Rapò ankèt sou asasina John Billy Alexis 20 mas 2011

Dezyèm tou 20 mas 2011 la pase nan kalm sou tout teritwa a, apa kèk ensidan ki koute lavi de moun, epi rezo a louvri ankèt sa a paske enfòmasyon ki t ap sikile sou youn nan yo, asasina John Billy Alexis nan Mawouj, komin Mòl Sen Nikola, te kontredi youn lòt. Disèt moun rankontre epi yo nonmen yo: polisye Mawouj ak Pòdepè, grefye Tribinal depè Mawouj, komisè gouvènman an, sibstiti l ak doyen ad interim Pòdepè, obsèvatè elektoral, papa, manman ak matant defen an, anplwaye yon bar-restoran, patizan de kandida depite yo ak yon detni nan prizon sivil Pòdepè.

Konklizyon an se ke patizan yon kandida pa t gen okenn enterè sabote sant vòt Lekòl Nasyonal Mawouj la, paske advèsè l t ap mennen la, epi yo te kenbe patizan lòt la an flagran deli ap fè dezòd nan sant sa a. Rezo a note tou yon polisye vyole lalwa lè li ale an inifòm, jou vòt la, nan yon jiridiksyon ki pa t pa l, aparamman pou aktivite elektoral. Swit jidisyè yo ale nan sans kontrè: yo arete epi anprizone yon nonm jou a menm sou baz enfòmasyon yon kan epi yo bay omwen kat manda kont patizan lòt la. Rezo a mande aparèy jidisyè a fè prèv enpasyalite, ale sou plas la pou rekonstitye reyalite a, idantifye epi jije vrè otè ak ko-otè asasina a, lage detni a si li pa kenbe pou lòt kòz, epi sispann sèvi platfòm INITE la.