Lèt kadraj pou Pwojè Bidjè 2022-2023

Siyen pa Premye Minis Dr Ariel Henry 2 out 2022, memorandòm-sikilè sa a bay òdonatè administrasyon piblik ayisyen an kadraj pou preparasyon Bidjè 2022-2023 la, premye a ki fèt nan yon lojik bidjè-pwogram pliryanyèl an aplikasyon lwa 4 me 2016 la ki ranplase dekrè-LOLF 2005 la. Li dresse bilan difisil egzèsis 2021-2022 la: PIB reyèl la bese 0,4% (kont yon pwojeksyon inisyal +0,3%), akoz aktivite k ap grandi gang ame yo, inaksesibilite kèk zòn ak bès sektè agrikòl ak konstriksyon; enflasyon global la rive 27,8% an me 2022; to presyon fiskal implisit la se te sèlman anviwon 6% PIB kont yon mwayèn 23% pou Amerik Latin ak Karayib la. Nan fen jen 2022, resèt administrasyon fiskal ak douànyè yo te rive 83,4 milya goud, sètadi 69% montan yo te pwograme pou 2021-2022 la, pandan emisyon nèt bon trezò yo te rive 11,2 milya goud sou twa premye trimès yo (kont 6,7 milya ane anvan an).

Pou peryòd twazan 2022-2023 rive 2024-2025 la, memorandòm nan fikse yon kwasans PIB reyèl 0,4% an 2022-2023 (mwayèn 1,2% sou twazan), yon dslerasyon enflasyon rive 24,5% an 2022-2023 apre sa 12,4% an 2024-2025, yon presyon fiskal k ap pase de 5,8% rive 7% an 2024-2025, ak yon plafon defisi bidjetè 2,3% PIB an 2022-2023 (mwayèn 2,6%). Nèf domèn priyorite kredi endike, ki gen ladan eleksyon yo, PNPPS la, finansman kanpay agrikòl yo, PRIPS pou Penensil Sid apre tranblemanntè out 2021 an, lit kont kontrebann ak blanchiman, ak refòm administrasyon piblik la. Dokiman an anonse tou yon rediksyon 15,7% nan sibvansyon pwodwi petwolye yo an 2023 nan objektif pou elimine yo, ak piblikasyon yon Kad Bidjetè a Mwayen Tèm (CBMT) ki kouvri 2022-2023 rive 2024-2025.