Rankont ant CEP ak Premye minis la sou dekrè elektoral yo pibliye 2 jen 2026

Yon nòt laprès CEP a ki rapòte yon rankont ki te fèt dimanch 7 jen 2026 ant manm Konsèy la ak Premye minis Alix Didier Fils-Aimé, ki te akonpaye ak twa minis gouvènman li, Direktè kabinè li ak de nan konseye li yo. Dekrè elektoral yo te pibliye 2 jen 2026 la te youn nan prensipal pwen echanj yo. Diskisyon yo te pote tou sou dispozisyon ki nesesè pou òganize eleksyon lib, enklizif, transparan ak kredib, dapre egzijans demokratik yo ak aspirasyon pèp ayisyen an. CEP a ak chèf gouvènman an te dakò pou kontinye kad konsètasyon sa a pou ranfòse mekanis kowòdinasyon ki mare ak avansman pwosesis elektoral la. Konsèy la reafime detèminasyon li pou akonpli misyon konstitisyonèl li an tout endepandans, nan respè prensip demokratik yo ak enterè siperyè Nasyon an. Rankont la vini senk jou apre objeksyon piblik Konsèy la kont dekrè li te jije enkonstitisyonèl la, epi li louvri sekans ki te mennen nan komisyon bipatit CEP-Primati 11 rive 23 jen an ak nan dekrè modifikatif 2 jiyè 2026 la. Li date Petyonvil, 7 jen 2026.